رايكم في فورتنر 2014 وهل الدفع الرباعي مستمر

أفضل سيارة دفع رباعي رخيص الفورشنر
كأنك معك هايلوكس دبل ومقفل الصندوق

صدقني خذه وماراح تندم

س :- هل هو ( دفع رباعي مستمر ) او الدبل يفصل ويشبك

والله ما اعرف يفيدوك الاعضاء ان شاء الله

شوف والله خويي فعمان معاه واحد 2008 4 سلندر قير اوتوماتيك دبل

حسب كلامه يقول يكون دفع رباعي لحد 80 ويفصل 

لكن اذا تقدر خذلك 6 سلندر راح يعجبك

اية دفع رباعي مستمر وما يفصل نهائيا تبي تفصلة تشيل العمود بدون أي تأثير 
الموتر ماهو مريح نهائيا لاكن 6 قوي جدا طلع أماكن ماقدر الجي اكس ار يطلعها وخفيف نادر يغرز طبعا 6
وسريع الأنقلاب ناخذ اللفة على 20 ونت خايف لاكن لو تحب التطعيس خذة ولا تخاف
سعره الحين ب 126 

السيارة ممتازة وتنفع للبر والمناطق الوعرة وقوية
وخصوصا الستة السلندر نشيط.
لكن راعي المدينة احسها متعبة لانها ليست مريحة
ورساوتها في الخطوط ماهي بذيك الزود.
وبالتوفيق.

مثل نظام الهايلكس الدبل
دفع خلفي و اذا عشقت الدبل يشتغل رباعي خفيف أو ثقيل هذا الGX
مدري عن الVX V6 بس اتوقع نفس الشي

الجديد دفع رباعي مستمر

لاكن ما انصحك فيه لان ساهر ياخذ منه وبعض الناس تكسر سيارات ساهر فيكون في ضرر عليك هذا اولا

ثاني شي يا اخي تركب السياره تحسها ضيقه ما تاخذ راحتك فيها

الا اذا انت نحيف هذا شي ثاني ^-^

وثالث شي اشوف كثير شكاوي من الناس على عبد اللطيف

وفالاخر القرار لك

الي اعرفه انو مو مرغوب وسريع الانقلاب

اذا منت راعي بر لاتاخذه

جيب يعني غير مريح ويكسر الظهر

عندي جيب وودي ابيعه وافتك واخذ ماركيز

السلام عليكم

قدر الله علي وخذت 6 سلندر دبل ب 126

السياره خفيفه وقويه وجامده ودفع رباعي مستمر اطلع البر بدون ما اشغل دبل او شي وعلى 80 كم يفصل

العيوب :- مرتفع شوي وهاذي ميزه وعيب في ان واحد لانك تطمئنانك ما راح تعلق السياره في شي ابد
لاكن تحسب حسابك في المنعطفات جيب ومرتفع
الراحه غير مريح والعزل متوسط

الان له معي 4 شهور وتمام التمام

اي احد عند استفسار انا حاظر + لايك للجميع الي شرف موضوعي

طيب هل اقدر اركب عليه فرارات ؟!!

لا اعلم ولاكن فيه من يفصل الدبل المتصل ولا يعمل الا با العصا

يعني مثل السيارات القديمه

لاكن ما عجبتني

انا ماشي معي لانه 6 سلندر لو انه 4 سلندر اكيد بيثقل بشكل كبير

+1 لايك للجميع